१. नैसर्गिक आपत्ती
वेळ दुपारी एकच्या सुमारासची …. पुण्यातील एका मोठ्या I.T. कंपनी मध्ये काम करणारी माझी एक मैत्रीण व तिचा ग्रुप …. चर्चेचा विषय टि . व्ही . वरील ब्रेकिंग न्यूज - माळीन गावातील दुर्घटना !!! चर्चेमध्ये सहानुभूतीच्या भावनेला भीतीच्या भावनेने केव्हाच मागे टाकले . अत्यंत सुशिक्षित समजल्या जातात अश्या Software Engineer असणाऱ्या माझ्या मैत्रिणीचे पुढील वाक्य ऐकले आणि मनाला खूप वाईट वाटले. वाक्य होते - " इतक्या जणांचा अचानक मृत्यू झाल्याने आता तिथे भूतांचा डोंगर तयार होईल "!!!
२. सामाजिक कार्ये
नेहमीप्रमाणे CRY या संस्थेला देणगीचे पैसे Online पद्धतीने देण्याची प्रक्रीया चालू होती. माझेच काही शालेय मित्र चाललेली प्रक्रीया पाहून चिडले आणि म्हणाले - असे फुकट पैसे नेत्यांना वाटणे म्हणजे मूर्खपणाचे होय. मी जेव्हा त्यांना सांगितले की CRY हि एक विश्वस्त संस्था आहे वगैरे वगैरे तेव्हा त्यांनी दहा वेगवेगळी उदाहरणे देऊन हे सिद्ध करण्याचा प्रयत्न केला की देशात सर्व NGO भ्रष्टाचार करण्यासाठीच निर्माण झाल्या आहेत!!!
३. अर्थशास्त्र
रश्मी बन्सल या माझ्या आवडत्या लेखिकेचे एक वाक्य मला खूप आवडते -" आजचे जग हे ज्याला अर्थशास्त्र चांगले समजते त्यांच्यासाठी खुल्या संधींचे महासागर आहे." कुठल्याही सुज्ञ माणसाने १००% सहमत व्हावे असे हे वाक्य आहे. इथे मात्र मला वर्तमान पत्रात धक्कादायक बातम्या वाचायला मिळत आहेत. KBC प्रकरण हे खरच घडून गेलं यावर विश्वास बसत नाहीये!! " पैसे गुंतवा - अल्पावधीत दुप्पट-चौपट मोबदला मिळेल " यावर अजूनही आपल्याकडील लोकं ( सुशिक्षित देखील! ) विश्वास ठेवतात हेच मुळी अविश्वसनीय वाटते!!!
